Mei Ha 的个人资料~*welcome to Ha*^~^*spac...照片日志列表更多  |  工具 帮助 |
|
8月14日 嫲嫲整襯條頸!!!!!!!!!!!!!!細細個果時係同嫲嫲一齊住架,果陣我唔鐘意佢架,因為佢日日都同我地爭電視睇!
人地放學最最最渴望就係睇卡通片555......
之後搬屋,我地就無一齊住啦,因為佢搬左同姑姐住,再之後佢就搬左去二伯到住,直到依家!
我地好少見,好少......由其係出左黎做野,更加少見!
今次聽媽媽講,話嫲嫲骨骼梳鬆,無得醫,我地唔可以話比佢知呢個事實~所以唯有隱瞞!!!
岩岩我同媽咪,爸爸,家姐一齊去探嫲嫲,嫲嫲一見到我地就超開心,重精神左tim!
平時佢最錫既係孫仔,孫女佢無甘錫,無甘記得d名!
但係岩先見佢既時候,佢竟然記得我叫咩名,佢好感動,佢話以前生活好辛苦,咩都無食過,依家個天一次過補番比我!
嫲嫲話"好開心,個個都掛住我,個個都黎睇我!"
之後佢又黎啦.......佢對我同家姐講"嫲嫲好想睇住你地結婚,想飲柸孫既茶...我無幾多年啦,你地快d啦!"
唉~~我都唔知講密好啦!!!
其實嫲嫲係未飲過一柸喜茶架!!
因為個個仔呀,女呀,孫仔,孫女結婚果日,都唔記得倒柸茶比佢飲,佢話個個都唔記得佢!
係有一日,媽咪問佢,點解次次擺酒,辦喜事,你都唔見左,係咪你離埋左??
嫲嫲直到依家先講出黎,佢話你地都無人入黎請我出去飲茶,唯有一個人坐係房等...........
oh~~~知道左真相,真係好無奈!!!
我地傾左一陣就走啦,嫲嫲好唔捨得,佢伸出手拉住我地,輕輕的拖住,同我地講"多謝你地買野比我食,多謝你地黎探我!"
嘩~~~個心好酸!!!
我就大聲甘同佢講,我地下次再黎啦,嫲嫲byebye!
今日見左嫲嫲,見到佢識講笑,精神,我地放心d!希望佢長命d啦,佢就黎91歲生日啦! |
|
|
