Mei Ha 的个人资料~*welcome to Ha*^~^*spac...照片日志列表更多  |  工具 帮助 |
|
2月26日 放棄了的愛情...又拾回來...會有好結果嗎?最近既我每天都流淚!!!
心~傷了一次又一次!
失去一次又一次,我咩都無曬啦!
好痛...好痛...真係好痛~夠啦...我唔可以再失去啦...我已經接受唔到啦!
以淚洗臉既日子過得太多太多...點解一次過要我失去那麼多??
..........
前兩日,我口多多甘同我男朋友(麟)講分手...佢竟然話好!
佢話~"算啦我地根本發生左好多野,出現左好多問題,叫我放手...我地重可以重可以做朋友(只有我,分左手重可以係朋友)"
果一刻,我終於明白咩叫痛,個心碎曬,d眼淚隨著說話流,突然間覺得好冷好冷...
我後悔啦...對唔住呀!
過左兩日,佢雖然有聽我電話,但係說話裏已經沒有愛了...聽了更難受...
佢不停提醒我,我地係朋友,叫我醒下啦~咪跟住佢!
佢話佢比唔到幸福我,跟住佢只有苦!!
琴日番工跟跟下眼,d眼淚差不多要流下來了...好想快d放工...我知道如果今晚氹唔番佢,甘我就甚麼也沒有了,只有自己一個!
好驚...手又再一次抖震...(喜歡擁有,卻害怕失去)
琴晚我約左佢出黎,我地行筷子基海皮...一路行,一路行...佢都無拖我,我唯有面皮厚厚甘硬拉住佢...
佢話"咪甘,我出黎同你行街,只係朋友既身份"...我即刻喊左出黎,我攬住佢不停講對唔住,叫佢比次機會我,我唔會再甘任性,我改!!
(到左呢刻,我終於明白咩叫朋友,咩叫男朋友啦)
但係佢叫我面對現實,好多野發生左就發生左,我地之間已經出現左好多問題,而且依家唔再正只兩個人既事啦!
我又喊......
唉~~最後我咩都應承佢...
佢就比左最後呢次機會我!
但係佢話如果我無辦法改變呢一切,下次分手既原因就係甘!!
之後我地就一齊番屋企!
ps:我好驚...我無能力...我懦弱...
我注定係失敗者嗎??
我有可能改變嗎??
我們還有多少時間??
我們會有好結果嗎??
這一切都係自己攞黎架...後果自己負吧!
大家祝我好運吧...要不就準備定紙巾給我抹眼淚吧...讓我喊過痛快吧!
2月19日 09年2月13日之~台北之旅喲呵呵...好內都未去過旅行啦!
今次目的地係~"台灣"~he*
hehe我地拍拖左兩年幾,第一次去旅行啊,而衰豬呢~~就真係第一次去旅行啊!
嗯...我地心情同樣都係又緊張又興奮!!
不過呢~我地唔係2人甜蜜蜜之旅啊,而係開心刺激8人自由行之旅呀!
我地成員合共8人,分別有:一生,一生老婆(三妹),呀豪,呀豪女朋友(妮),呀暉,呀暉女朋友,呀麟,呀麟靚靚女朋友(我~*美霞)啊哈哈!
嗯嗯~我地去台灣好有計劃架,一早book好機票(澳航)同酒店(懷寧旅店),計劃好曬就出發囉^3^
13號一早就去到機場,集齊人就準備check in啦!
坐左大約個半鐘就到達目的地lu~去到旅店有少少失望啊,因為房間太小,三星半果然係差d架!
之後我地就去醫肚啊~好餓啊...原來台灣無咩好食架,重有夜晚11點後就無野食啦,成條街都好靜.....
我地呢五日四夜真係行到夠啊,女士們梗係shopping得儘興啦哈哈,d男士們就玩行開心,就連銀包都瘦埋哈哈哈
嗯~我地d行程無set死架,鐘意幾時起身就幾時起,鐘意去邊就去邊~超級悠遊自在啊!
今次既旅程,我地一齊買左張悠遊卡坐地鐵周圍甘去玩^^我地分別去過(1)西門町(正係呢到,我先見到幾個潮妹,靚妹妹啦,靚仔就未見到);(2)九份;(3)情人節果日,一早衰豬就送左花花比我,之後我地去美麗華(坐摩天輪)...衰豬終於實現左佢對我既承諾啦,好開心呀~我愛你呀!(4)左台北101觀景台;(5)市政府;(6)地熱谷浸溫泉(我對個溫泉好失望,一d都唔靚,好似個厠所甘...早知就訂個溫泉套房,住一晚啦)重有好多好多地方......
總結黎講除左無啖好食;除左衰豬有日病左,嚇死我;除左皮膚差左之外都ok既!
17號晚我地就番到澳門啦~好掛住澳門d野食啊!
今次旅程我地都瘦左=_=!
|
|
|
